Nýhugsað siðbundið.

 

Rávøra, sum smakkar av árstíðunum og Føroyum.

KOKS-snið er matgerðarsnild hjá Poul Andrias Ziska. Hann stjórnar KOKS og dugir brøgdini at fáa smakk og anga úr føroyska landslagnum at  sameinast í matinum.  Smakkurin er føroyskur. Burturav føroyskur.

 

Ungu føroysku slóðararnir á KOKS brúka føroyskt tilfar, sum bæði er grovkað og fínkað, fornt og nútíðarligt og ansa væl eftir, at tøka og nýtsla eru burðardygg.

 

Í staðin fyri at leita sær eftir nýggjum tilfari verður miðvíst farið eftir tí gamla

– at turka, ræsa, salta og roykja.

 

Á KOKS lagar køkurin seg eftir tí, ið árstíðin býður okkum, og ger aldagamla matmentan leskiliga lokkandi eftir øllum nútíðarkynstrum.

 

Eyðkenni KOKS er tað einfalda, reina, feska og tað siðbundna.

UM KOKS

RÁVØRA OG MATGERÐ

KOKS nýtir fyrst og fremst føroyskar rávørur, annars norðurlendskt tilfar. Tað er rávøra úr rákharða sjónum, av ódálkaða og streymsveipta havbotninum, úr brimreinskaðum taraskógi og úr brøttu vallaðu fjøllunum. Haðan fáa vit okkara tilfeingi.

 

Úrvalið tykist við fyrsta eygnabragd ikki at vera so fjølbroytt, men væl hilnast, og tað er sjaldsama gott. Tað, ið veksur og grør á okkara svalligu leiðum, búnast spakuliga, og drúgva búningin gevur serstakliga góðan smakk.  Ikki bara kræsnir gómar smakka munin.

 

Kokkarnir hava ans fyri at viðgera feskt sum ræst. Teir hava ans fyri ræsing og, hvussu hesin smakkur best verður aldur fram, og teir hava víst serligt hegni at brúka henda sjaldsama smakk í nýggjum rættum.

VÍN

Vit hava bæði vínkjallara og vínloft.

 

Sum frá er liðið, síðan vit byrjaðu, hava vit fingið stórt úrval av góðum og ymisligum víni  úr ymsum heraðshornum.

 

Aftur at tí góða úrvalinum hava vit sett víntænara í starv, Karin Visth, og hon setir vín vandaliga og hegnisliga saman við øllum rættunum.

 

Tú kanst fara undir kvøldið í vínkjallaranum við einum glasi ella leiga kjallaran til títt egna gildi. Í vínkjallaranum kanst tú smakka vín, læra um vín ella drekka vín saman við forkunnugum mati úr køki okkara.

1.400 kr.

KOKS   Tel 333 999   |   Týsdag til leygardag frá kl. 18:30. Stongt sunnudag og mánadag.

 1.100 kr.

500 kr.

MATSKRÁ

Djússkrá við kaffi/te og søtum

Vínskrá við sjampanju, kaffi/te og søtum

MIÐLAR

 

Fjølmiðlafólk kunnu snúgva sær til press@koks.fo

Tað er ein ómetaliga stórur heiður at hava fingið fyrstu stjørnu okkara í Michelin Guide Nordic Countries 2017.

> TAK NIÐUR TÍÐINDASKRIV  (pdf fíla á enskum)

BORÐBÍLEGGING

 

KOKS Í KIRKJUBØ

KOKS hevur opið: Týsdag til Leygardag.

BÍLEGG BORÐ HER

SAMBAND

KOKS

Í Geilini 13

175 Kirkjubøur

 

Tel:  333 999

Teldupostur: koks@koks.fo

 

Poul Andrias Ziska, høvuðskokkur

Karin Visth, víntænari

 

 

Fjølmiðlafólk kunnu snúgva sær til press@koks.fo